"தேவை இல்லை சிஸ்டர் ....இந்த நம்பர்ரில் பேசி சோனாவுடன் பாச பயிரை வளர்ப்பது மேக்னா இல்லை .....மதுரா .மேக்னா பெயரை பயன்படுத்தி சோனா உடன் மைண்ட் கேம் விளையாடிட்டு இருந்தது மதுராவே தான் .மதுரா சொல்றபடி தான் சில காலமாய் சோனா நடந்துட்டு இருக்கா ....."என்றவன் கருணா வீட்டில் இருந்து அவனோடு சேர்ந்து போட்டோக்களை எடுத்து சோனாவிற்கு அனுப்பியது ,ரூபிணி மேட்டர் சால்வ் சோனாவை தூண்டிவிட்டது ,தங்களின் நிச்சயம் பற்றி சொல்லியது என்று எல்லாவற்றையும் சொன்னவன் ,"இந்த விஷயம் மேக்னாவிற்கு கூட தெரியாது .கருணாவை நாங்க பல விஷயத்தில் இருட்டில் தான் வைத்து இருக்கிறோம் ....அவனை சுற்றி மதுரா என்ன செய்து வைத்து இருக்கிறாள் என்று அவனுக்கே தெரியாது .அவன் தம்பி சாகர் விவசாயம் படித்தவன் .அவனுக்கு பேங்க் லோன் கொடுப்பது போன்று பணம் ஏற்பாடு செய்தது ,ஒரு தொண்டு நிறுவனம் அவன் அப்பாவிற்கு பக்கவாத டிரீட்மென்ட் கொடுக்க ஸ்விஸ்க்கு அனுப்பியது ,தங்கும் செலவு ,உணவூ என்று எல்லா செலவூம் தன் சொந்த பணத்தில் இருந்து செய்து கொண்டு இருக்கிறாள் .அவ தாத்தா அவள் பெயருக்கு எழுதி இருந்த மொத்த சொத்தையும் என்னிடம் தான் விற்றாள் ."என்றான் சூர்யா .
"அப்போ உங்க திருமணம் ...............சிவகாமி பாட்டி போட்டோ பத்தி சொன்னாங்களே .....அப்போ அந்த குழந்தைங்க ...."என்றவளுக்கு தன் மொபைல் போனில் இருந்து இரு படத்தை காட்ட அதிர்ந்த ராஜி ,"என்ன ப்ரோ இது ..............கருணா பிரதர்ரா இப்படி ...............இந்த அளவுக்கு விளையாட்டு தனமாய் செய்துட்டு ,எப்படி சோனாவை மணந்தார் ............அப்போ இவ வாழ்க்கை .....பிள்ளைங்க ...............இதுல நீங்க எங்க வரீங்க ?"என்றாள் திகைப்புடன் .
அவர்கள் என்ன செய்து கொண்டு இருக்கிறார்கள் என்பதை விளக்கியவன் ,"எனக்கும் மதுராவிற்கும் தான் திருமணம் நடக்கும் ராஜி ...யார் நடுவே வந்தாலும் அவர்கள் தலை சீவ படும் ......என் மது எனக்கு மட்டும் தான் ராஜி ."என்றவன் பேச்சை கேட்டு வாய் விட்டு நகைத்தாள் .
"என்னவோ போங்க ........தலையை சுத்தி மூக்கை தொடுங்க .....எத்தனை பேர் பைத்தியம் பிடித்து அலைய போறாங்களோ .....கடவுள் தான் காப்பாத்தணும் ."என்றாள் ராஜி .(இனிமேல் தான் ஆகணுமா நாங்க .............)
"ஏங்க ...ஏன் இப்படி ...கருணா என்ன ருத்ராவா ?சாமி கும்பிட என்று கூட்டி போய் சடாரென்று தாலி கட்ட .......அதுமாதிரி அதிரடி ஆக்ஷன் ஹீரோவா VIJAI இருந்தா போகாத ஊருக்கு வழியை நாங்க ஏன் ரெடி செய்ய இப்படி மெனக்கெடறோம் .....அவன் ரொம்ப பாவம் ராஜி ....சின்ன வயசில் இருந்து தன் குடும்பத்திற்காகவே வாழ்ந்துட்டான் ....இனிமேலாவது அவன் நிச்சயம் சந்தோசமாய் ,நிம்மதியாய் இருக்கணும் ....நான் வில்லன் எல்லாம் இல்லங்க ...நானும் ஹீரோ தான் ...."என்றான் புன்னகையுடன் .
"எப்படிங்க .....வடிவேலு சொல்வாரே .....நானும் ரவுடி தான் ...ஹே நானும் ரவுடி தான் என்று அந்த மாதிரி நீங்க புது ட்ரெண்ட் "நானும் ஹீரோ தான் ...நானும் ஹீரோ தான் என்று கொண்டு வாரீங்களா என்ன .....ஹீரோயின் யார் கையை பிடிக்கறாங்களோ அவங்க தான் ப்ரோ ஹீரோ "என்றாள் ராஜி புன்னகையுடன் .
"அப்போ நான் தானே ஹீரோ ...மதுராவிற்கும் எனக்கும் தானே ஃப்ரைடே மேரேஜ் ...அப்போ நாந்தான் ஹீரோ சிஸ் ....."என்றான் சூர்யா டூத் பேஸ்ட் விளம்பரத்திற்கு பல்லை காட்டுபவன் ரேஞ்சுக்கு .
"யப்பா சாமி ஆளை விடுங்க .............நீங்க மது கழுத்தில் தாலி கட்ட முதலில் விஜய் விடறாரா பாருங்க ......தாலி கட்ட முதலில் மது வேண்டும் .....அதற்கு முதலில் சுமன் கிட்டே இருந்து அவங்களை காப்பாத்தணும் ....வாங்க ப்ரோ போலாம் ....."என்றாள் ராஜி .
அதுவரை இருந்த இலகு தன்மை மறைந்து அங்கே மீண்டும் அவர்கள் முன் இருக்கும் பிரச்சனை மீண்டும் இமய மலையாய் எழுந்து நின்றது .
அதே சமயம் காரில் சென்று கொண்டு இருந்த விஜய் கண்களில் இருந்து கண்ணீர் நிற்காமல் வழிந்து கொண்டு இருந்தது .தன் தலைவிதியை நினைத்து நொந்து போய் இருந்தான் .இருமுறை சுவர்க்கம் அவன் கையில் கிடைத்தும் அதை இன்னொருவனுக்கு தாரை வார்க்கும் தன் விதி என்ன டிசைன் என்று கடுப்பாகி போனது .இதில் சுமன் வேறு உள் வந்து இருக்கும் குழப்பம் பத்தாது என்று சீதையை சிறை எடுத்த இராவணன் மாதிரி தூக்கி போய் இருக்கான் .அந்த ராவணாவது சாபம் பெற்றவன் .விருப்பம் இல்லா பெண்ணை தொட்டால் தலை வெடித்து விடும் .இந்த அரக்கனுக்கு அப்படி எதுவுமே இல்லையே .
தங்களால் சுமன் உள்ளே நுழையாத படி லக்ஷ்மண கோடு தான் போட முடிந்தது .அதை தாண்டி அவனால் உள்ளே வந்து இருக்க முடியாது .ஆனால் அந்த இராவணன் பொய் மானை காட்டி ராமனின் கவனத்தை திசை திரும்பியதை போல் இவன் இங்கே உண்மையான மான் குட்டி சுபத்திராவை அல்லவா அல்லவா பணயம் வைத்தான் .குழந்தையை காப்பாற்ற இவர்கள் கவனம் அதில் இருக்க ,அந்த சமயத்தில் இவர்கள் பாதுகாப்பு வட்டத்தை கடந்து இருக்கிறாள் மதுரா அந்த சீதை கோட்டை தாண்டியதை போலவே .
நெஞ்சின் பாரம் தாங்க முடியவில்லை .பயத்தை வெளி காட்டவில்லை என்றாலும் ஏற்க்கனவே அவன் கரங்களில் தானே ஒரு பெண்ணின் உயிர் பிரிந்தது .சூர்யாவின் மனைவி ரித்திகா இந்த சைத்தான் இடம் மாட்டி தானே வார்த்தைகளால் விவரிக்க முடியாத பல கொடூரங்களை அனுபவித்து உயிர் இழந்து இருந்தாள் . இந்த நொடி வரை ரித்திகா இருந்த கோர நிலை இவனை நிம்மதியாக உறங்க விட்டதில்லை . .அதன் தாக்கம் தானே இவனை ஹியூமன் ட்ராபிக்க்கு எதிராக போராட வைத்து கொண்டு இருக்கிறது . இன்று அதே கொடியவனின் பிடியில் அவன் உயிர் சிக்கி என்னென்ன இன்னல் அனுபவித்து கொண்டு இருக்கிறதோ ....எல்லாம் என்னால் ..என் காதல் தான் அவளை ஒவ்வொரு முறையும் ஏதாவது ஒரு ஆபத்தில் சிக்க வைக்கிறது .அப்பவே எல்லோரும் சொன்னார்களே சோனா ,சுமன் ,கஜா ,சொர்ணா யார் உயிரோடு இருந்தாலும் மதுராவை வாழ விடமாட்டார்கள் என்று படித்து படித்து சொன்னார்களே ."என்று மனசாட்சியின் குமுறல் கண்களில் கண்ணீராய் வெளியேற ஸ்டேரிங் வீல் மேல் தலை வைத்து அழுது கொண்டு இருந்தான் .
அதே சமயம் காரில் வந்து கொண்டு இருந்த ராஜேஸ்வரியின் மொபைல் ஒலி எழுப்ப ,எடுத்து பேசியவள் முகம் தீவிர யோசனையை தத்து எடுத்தது .உடனே விஜய்க்கும் சூர்யாவுக்கும் அழைத்தவள் அவர்களை தன் அலுவலகத்திற்கு வர சொன்னாள் .அரை மணி நேரத்தில் மூவரும் அங்கு சென்று அடைய ,அவள் ஆபீஸ் வாயில் முன் அமர்ந்து இருந்த உருவம்,இவர்கள் வருவதை பார்த்து மெல்ல எழுந்து நின்றது .
அந்த மனிதரை அங்கு எதிர் பாராத விஜயும் ,சூர்யாவும் அதிர்ந்து திகைத்து போய் ஒருவரை ஒருவர் பார்த்து கொண்டு "சார் "என்ற அழைப்புடன் அவரை நோக்கி சென்றனர் .
PENANCE WILL CONTINUE..
