All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except in the case of brief quotations embodied in critical reviews and certain other noncommercial uses permitted by copyright law.
உன் அமைதியில் தெளிவில்லை! உன் ஆன்மாவில் நிம்மதியில்லை!
உன் இன்பத்தில் இனிமையில்லை!
உன் ஈகையில் ஈர்ப்பில்லை!
உன் உவகையில் உயிர்ப்பில்லை!
உன் ஊணில் உறக்கமில்லை!
உன் எண்ணத்தில் ஏற்றமில்லை!
உன் ஏக்கத்தில் ஏகாந்தமில்லை!
உன் ஐயத்தில் ஐக்கியமில்லை!
உன் ஒப்புமையில் ஒருங்கிணைப்பில்லை!
உன் ஓட்டத்தில் ஓய்வுமில்லை
உன் ஔடதத்தில் அமைதியில்லை!
ஏன்? என்ற கேள்விக்கு பதிலுமில்லை!
மவுனமாய் மறுகுகின்ற மனமே
மயக்கம் தீர மருந்திருந்தால் மரிக்கும் முன் தருவாயா?
உன் அமைதியில் தெளிவில்லை! உன் ஆன்மாவில் நிம்மதியில்லை!
உன் இன்பத்தில் இனிமையில்லை!
உன் ஈகையில் ஈர்ப்பில்லை!
உன் உவகையில் உயிர்ப்பில்லை!
உன் ஊணில் உறக்கமில்லை!
உன் எண்ணத்தில் ஏற்றமில்லை!
உன் ஏக்கத்தில் ஏகாந்தமில்லை!
உன் ஐயத்தில் ஐக்கியமில்லை!
உன் ஒப்புமையில் ஒருங்கிணைப்பில்லை!
உன் ஓட்டத்தில் ஓய்வுமில்லை
உன் ஔடதத்தில் அமைதியில்லை!
ஏன்? என்ற கேள்விக்கு பதிலுமில்லை!
மவுனமாய் மறுகுகின்ற மனமே
மயக்கம் தீர மருந்திருந்தால் மரிக்கும் முன் தருவாயா?
மதி கெட்ட மானுடரே…..
மதி மயக்கம் தீராதோ...?
விதி விட்ட வினையாலே
வீதி முடக்கம் தீராதோ...?
மண்ணில் பிறந்தால்
மரணம் நிச்சயம்……!
கரணம் தப்பினால் மரணம்…!
சத்திய வாக்கில்
அனித்தியம் இல்லை…!
அன்று….
நிச்சயிக்கப்பட்டது திருமணம்
வாழ்வில் திருப்பம்…..
உறவை வளர்த்தோம்!
இன்று…
நிச்சயிக்கப்பட்டது மரணம்
வாழ்வில் திருப்பம்…
உறவை இழந்தோம்!
முதுமையில் மரணம் மனதை விதைக்கலாம்!
பிணியால் மரணம் மனதைச் சிதைக்கலாம்!
வறுமையால் மரணம் மனதை கலைக்கலாம்!
மனிதனால் மரணம் மனதை மறைக்கலாம்!
ஓ… என் தாய் திரு நாடே….
மறத் தமிழா….? மறத் தமிழா…? என்று…
தமிழைத்தான் மறந்து விட்டாய்…
தமிழனையும் மறைப்பாயோ……?
தமிழ் மண்ணைத்தான் சிதைத்து விட்டாய்……
தமிழ் கண்ணையும் அழிப்பாயோ….?
அறத்தால் நின்றாலும்
சிரத்தால் சிந்தியது
சீர்கேட்டை மாற்ற வந்த
சின்னவரின் இரத்தமன்றோ…?
பாலாறும் ஓடவில்லை…
காவிரியும் பாயவில்லை….
தேனாற்றின் கரையெல்லாம்
வெள்ளோட்டம் பார்ப்பதற்கு
எம் இரத்தத்தை கேட்பாயோ
எம் தாயே… பூதேவி……!
சிந்திய வியர்வைகள்
வேள்வித் தீயாய் எரிந்தாலும்….
அடங்காதா உன் தாகம்
இரத்தம் சிந்த சிந்தத்தான் தணியுமோ உன் தாகம்…?
வாழ்க்கை என்பது காதலில் அழகு... வாழ்க்கை என்பது அன்பினில் மிக அழகு.... வாழ்க்கை என்பது பண்பினில் மிக மிக அழகு... வாழ்க்கை என்பது கொடுப்பதில்... விட்டுக் கொடுப்பதில் பேரழகு!
பூக்கும் பூக்கள்
படிக்கும் பாக்கள்
மனதில் என்றும் மலர்ச்சியே...!
தாமரைப்பூ பூத்தால்
தடாகம் சிரிக்கும்!
அல்லிப்பூ பூத்தால்
ஆதவன் சிரிக்கும்!
மல்லிப்பூ பூத்தால்
மங்களம் சிரிக்கும்!
ரோஜாப்பூ பூத்தால்
காதல் சிரிக்கும்!
முல்லைப்பூ பூத்தால்
முற்றங்கள் சிரிக்கும்!
கன்னிப்பூ பூத்தால்
கற்பனை சிரிக்கும்!
நட்புப்பூ பூத்தால்
நானிலம் சிரிக்கும்....
நவரசம் பிறக்கும்....
நலம் பாடும் பாட்டில்
நகைச்சுவை மீறீ
நிம்மதி வந்தால்.....
நித்திய மல்லியாய்....
வாழ் நாள் சிரிக்க...
வாழ்க்கையும் இனிக்கும்!
This site uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.
